Madagascar:Madagascar yohereje wa umuti”Covid-Organics” yakoze wa Covid-19 mu bihugu 15 bya hano muri Afurika

4,826

Perezida wa Madagascar Andry Rajoelina yashyikirije Guinée Bissau umuti icyo gihugu cyakoze witwa Covid-Organics, kivuga ko uvura Coronavirus, ugenewe ibihugu 15 bihurira mu Muryango w’Ibihugu bya Afurika y’Iburengerazuba, CEDEAO

Ni umuti kugeza ubu utavugwaho rumwe, wakozwe mu cyatsi cya Artemisia gisanzwe gikoreshwa mu gukora umuti uvura malaria.

Mu butumwa yashyize kuri Twitter, Perezida Rajoelina yagize ati “Dutewe ishema no gushyikiriza iyi miti itsinda rya #GuineeBissau igenewe abarwayi ba #COVID19 mu bihugu 15 bigize @ecowas_cedeao. Wakoze Perezida @USEmbalo ku nshingano wemeye zo kuwukwirakwiza! Dufatanye mu guhindura icyerekezo cya Afurika.”

View image on Twitter
View image on Twitter
View image on Twitter
View image on Twitter

Ibihugu 15 bigize CEDEAO ni Bénin, Burkina Faso, Cap-Vert, Côte d’Ivoire, Gambie, Ghana, Guinée, Guinée Bissau, Libéria, Mali, Niger, Nigérie, Sénégal, Sierra Léone na Togo.

Aka karere kari ku mwanya wa kabiri mu kugira ubwandu bwinshi bwa Covid-19muri Afurika nyuma ya Afurika y’Amajyaruguru (ifite abanduye 15687), kuko mu bihugu bigize CEDEAO kugeza kuri uyu wa Gatandatu hamaze kwandura abantu 10916, barimo abantu 259 bamaze gupfa, na 3269 bamaze kuyikira.

Leave A Reply

Your email address will not be published.