RBC yatangaje ko abagera kuri 158,898 bamaze guterwa inkingo zibarinda ubwandu bwa covid-19.
Guhera kuri uno wa kane nibwo ahenshi mu Rwanda hatangije igikorwa cyo gukingira abaturage inkingo zibarinda ubwandu bwa Coronavirus, icyorezo kimaze umwaka kibasiye u Rwanda kuko umuntu wa mbere wagaragayeho ubwandu bw’icyo cyorezo yabonetse ku italiki ya 14 Werurwe umwaka ushize wa 2020.
Ku munsi wa kane ministeri y’ubuzima yifashishije za kajugujugu mu gukwirakwiza inkingo hirya no hino mu gihugu, harimo no mu bice by’icyaro mu rwego rwo kuzihageza vuba byihuse. Mu ijoro ryakeye kuri uyu wa gatandatu, Ministeri y’ubuzima ibinyujije mu ishami ryayo rya RBC yaraye itangaje imibare y’abamaze gukingirwa kuva icyo gikorwa cyatangira kuri uyu wa kane.
Kugeza kuri uyu wa Gatandatu tariki ya 6 Werurwe 2021, Minisiteri y’Ubuzima yatangaje ko mu Gihugu hose abantu 83,842 bakingiwe icyorezo cya COVID-19 mu gikorwa cyahereye ku barusha abandi ibyago byo kwandura no kuzahazwa n’icyo cyorezo.
Iyi mibare yatanzwe na ministeri y’ubuzima ivuze ko mu minsi ibiri ishize mu Rwanda hamaze gukingirwa abantu bagera ku bihumbi 158,898. Mu bakingiwe ku wa Gatandatu, harimo 6,062 byakingiwe mu Mujyi wa Kigali, 42,614 byakingiwe mu Ntara y’Amajyepfo, 31,286 bo mu Ntara y’Amajyaruguru, 39,437 bo mu Ntara y’Iburengerazuba, na 39,499 bo mu Ntara y’Iburasirazuba.
Mninisteri yasabye abaturage kutirara ku ngamba z’ubwirinzi bitwaje ko urukingo rwabonetse, yakomeje gusaba ko abantu bakomeza kwambara neza agapfukamunwa ndetse no gukurikiza izindi ngamba zose zatanzwe na ministeri y’ubuzima kuko icyorezo kitaratsindwa burundu.
