Jurgen Kloop yatangaje ko imbaraga zo gukomeza gutoza Liverpool FC ziri kumushirana.
Kuri uyu wa gatanu, urubuga rwemewe rw’ikipe ya Liverpool F.C (official liverpool website), rwatangaje ko Jürgen Klopp, utoza iyi kipe yo mu rusisiro rwa Merseyside ruherereye mu majyaruguru ashyira uburengerazuba bw’igihugu cy’Ubwongereza kuva muri 2015, yatangaje ko mu mpera z’uyu mwaka w’imikino azarekura inshingano yari afite zo gutoza Liverpool FC.
Mu magambo ye, uyu mutoza w’imyaka 56 wahiriwe no gutwara ibikombe bikaza no gutuma yonezwa amasezerano yari kuzarangira muri 2026 muri iyi kipe, yitangarije ko imbaraga zo gukomeza gutoza iyi kipe zri kumushirana. Ibi yabivuze mu gihe ikipe ye iri ku mwanya wa mbere, ikaba irusha ikipe ya kabiri ariyo Manchester City amanota atanu.
Kuva yagera muri iyi kipe, Kloop amaze gutwarana nayo ibikombe 7 bikomeye, ndetse yanayifashije gusoza urugendo rw’imyaka 30 iyi kipe yari imaze idatwara igikombe cya shampiyina y’Ubwongereza (English Premier League Trophy). Abitangaje mu gihe afite ikipe ya Chelsea muri izi mpera z’icyumweru, akazakurikizaho Arsenal, Imwew mu makipe bahanganiye igikombe cya shampiyona cy’uyu mwaka dore ko nayo hashize imyaka 20 itazi n’impumuro yacyo(Arsenal).
Imwe mu mibare afite itazibagirana, ni uko yabashije gukorera amanota 97 mu mwaka w’imikino wa 2018-2019, akongera agakorera 99 muri 2029-2020, akaza nanone gusarura amanota 92 mu mwaka w’imikno wa 2021-2022. Hategerejwe kumwenya umusaruro azagaragaza muri uyu mwaka we wa nyuma.