Tanzaniya: Leta yashyize hanze amazina y’abaguye mu mpanuka y’indege yaguye muri Victoria

Byamaze kumenyekana ko abantu 19 aribo baguye mu mpanuka y’indege ya Precision Air yo muri Tanzania, yaguye mu kiyaga cya Victoria mu gitondo cyo ku Cyumweru tariki 6 Ugushyingo 2022.

Leta ya Tanzaniya yamaze gushyira ahagaragara urutonde n’amazina y’abantu bose bari bateze indege Precision Air yo muri Tanzania yakoze impanuka mu gitondo cyo kuri iki cyumweru taliki ya 6 Ugushyingo 2022 ubwo yagwaga mu kiyaga Victoria.

Leta yatangaje ko ababuze ubuzima muri iyo mpanuka bose hamwe ari 19, mu gihe 26 bararohowe bakiri bazima bajyanwa mu bitaro bya Kagera, nk’uko byatangajwe n’Umuyobozi wa Polisi waho, Albert Chalamila.

Leta ya Tanzaniya yatangaje ko ababuze ubuzima bose muri iyo mpanuka bari bushyingurirwe hamwe uyu munsi ku wa mbere taliki ya 7 Ugushyingo 2022.

Perezida SAMIA Suluhu yihanganishije imiryango y’ababuriye ababo muri ino mpanuka bivugwa ko yari iteye ubwoba.