Iminsi ibaye itanu uwitwa RURANGIRWA Wilson uzwi nka Salongo atawe muri yombi

Urwego rw’Igihugu rw’Ubugenzacyaha, RIB, rwemeje ko rucumbikiye Rurangirwa Wilson wamamaye nk’umupfumu Salongo, ukurikiranyweho ibyaha bitandukanye.

Uru rwego ruvuga ko rwataye muri yombi uyu mugabo uzwi nk’Umupfumu Salongo ku wa 31 Ukwakira 2024.

Ibyaha akurikiranyweho birimo kwihesha ikintu cy’undi hakoreshejwe uburiganya, guhimba, guhindura inyandiko cyangwa gukoresha inyandiko mpimbano, kwiyitirira urwego rw’umwuga, impamyabushobozi, impamyabumenyi cyangwa ubushobozi buhabwa umuntu wujuje ibyangombwa n’icyaha cy’iyezandonke.

Umuvugizi wa RIB, Dr. Murangira B.Thierry, yavuze ko yatawe muri yombi nyuma y’iperereza ryari rimaze iminsi rimukorwaho, rishyingiye kubirego abantu bamuregaga.