NETFLIX YONGEJE IGICIRO CY’IFATABUGUZI. NI ANGAHE YIYONGEREYE KUYO UMUGUZI WA SERIVISI ZAYO AZONGERAHO?
Ikigo gisanzwe gicururiza kuri murandasi serivise zirimo kwereka abishyuye ifatabuguzi filime z’ubwoko butandukanye cyitwa Netflix, cyazamuye igiciro cy’ifatabuguzi ku bakiriya bacyo, akaba yabaye amadorari 8.99 angana n’ibihumbi 13,125 by’amanyarwanda avuye kuri 7.99, ariyo angana n’ibihumbi 11,665 by’amanyarwanda.
Ku basanzwe bishyura kuburyo hatazamo amafoto n’amashusho yo kwamamaza, bazajya bishyura $19.99 aribyo bingana n’ibihumbi 29,165 by’amanyarwanda, avuye kuri $17.99, akaba angana n’ibihumbi 26,265 by’amanyarwanda. Nyuma na nyuma rero, abo uru rubuga rufata nk’abakiriya b’imena bagura ifatabuguzi ryitwa Premium, bazajya bishyura $26.99, aya madorari akaba angana n’ibihumbi 39,405. Aba bo muri iki cyiciro nibo babasha kureba amashusho ari mu rwego ruhambaye azwi nka 4K.
Abishyura ifatabuguzi ritagaragaramo ibikorwa byo kwamamaza, bashobora gusangiza umuntu umwe ku ifatabuguzi ryabo, mu gihe abo mu cyiciro cya premium bashobora gukoresha ifatabuguzi rimwe ari batatu. Izi mpinduka zitangajwe nyuma y’uko uru rubuga runatunganya filime rwinjiye mu y’ubufatanye na Warner Bros, ikindi kigo gitunganya filime guhera mu 1912, kikaba giheruka kugura ikindi kigo bikora bimwe cyitwa Paramount Pictures.
Netflix yateguje abyaikurikira ko mu ntangiriro z’umwaka izashyira hanze filime zirimo peaky blinders, n’indi yitwa something very bad is going to happen, imaze amasaha make igiye hanze.
Comments are closed.