Abantu 13 bakize, haboneka 16 bashya barwaye Covid-19

2,979
indo Banner01

Minisiteri y’Ubuzima iratangaza ko kuri uyu wa Kane tariki 09 Nyakanga 2020 mu Rwanda habonetse abarwayi bashya cumi na batandatu(16) ba COVID-19.

Abo barwayi 16 babonetse mu bipimo 3,463, abamaze kuboneka mu Rwanda banduye icyo cyorezo bose hamwe baba 1,210.

Minisiteri y’Ubuzima yasobanuye ko abo barwayi bashya 16 barimo 7 babonetse i Rusizi, 4 babonetse i Kigali, hakaba abandi (4) babonetse i Kirehe, n’undi 1 wabonetse i Ngoma.

Abantu cumi na batatu mu bari barwaye bakize kuri uyu wa Kane, abamaze gukira bose hamwe baba 623, naho abakirwaye ni 584.

Abamaze kwicwa n’icyo cyorezo mu Rwanda ni batatu.

Minisiteri y’Ubuzima isaba abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.

Gutanga ibitekerezo byahagariswe.