Burkina Faso: Abarwanyi Bakorana na Al Qaeda Bigambye Igitero cyahitanye abasirikare 107

335
RPF

Abarwanyi b’umutwe w’intagondwa wa Al Qaeda wiyitirira idini rya Isilamu ryitwa, Jama’a Nusrat ul-Islam wa al-Muslimin, bigambye igitero bemeza ko cyahitanye abasirikare ba Burkina Faso bagera ku 107.

Ishyirahamwe nyamerika, SITE Intelligence Group, rikurikiranira hagufi amakuru ajyanye n’imitwe y’iterabwoba rivuga ko icyo gitero Jama’a Nusrat ul-Islam wa al-Muslimin yagikoze ku wa kabiri w’icyumweru gishize mu karere kitwa Mansila, kegeranye n’umupaka Burkina Faso ihana na Nijeri.

SITE Intelligence Group ikomeza ivuga ko abarwanyi ba Jama’a Nusrat ul-Islam wa al-Muslimin, bigaruriye ako karere ka Mansila.

Kugeza ubu Leta ya Burkina Faso ntiragira icyo ivuga kri ano makuru.

Umubare w’’abasirikare ba Burkina Faso baba baraguye muri icyo gitero bikaramuka byemejwe, iki gitero kizaba kiri mu bihitanye abasirikare benshi muri ako karere kabangamiwe n’imitwe y’iterabwoba irimo iyishamikiye kuri al Qaeda na Islamic State.

Leave A Reply

Your email address will not be published.