Louis Suarez yavuze uburyo yafashwe nabi mu ikipe ya Barcelona kugeza ubwo yarize kubera ibyishimo ubw yerekezaga mu ikipe ya Atletico Madrid.
Uyu ruahizamu w’imyaka 33 atutuka gihugu cya Uruguay aherutse kurangiza amasezerano ye mu ikipe ya Barcelone yari mazemo imyaka itandatu ayibereye rutahizamu, Bwana Suarez yavuze ko iyo kipe ya Barca yayigiriyemo ibihe bibi n’ubwo wabonaga ameze nk’uwishimye. Ati:”Byageze aho ndira kubera uburyo nafatwaga nabi muri iyo kipe, ariko nta kundi nafashe umwanzuro wo kubyakira uko biri kose”
Suarez yinjiye muri Barcelona mu mwaka wa 2014 avuye mu ikipe ya Liverpool yo mu Bwongereza aguzwe miliyoni hafi 96 z’amadorari ya Amerika, yafashwe nk’igihangange muri iyo kipe ariko akomeza akinira mu kwaha kwa Messi wari warubatse ubami muri iyo kipe ya Barcelona.
Suarez yatsinze ibitego 198, atwara ibikombe bya La liga bine, atwara n’ibikombe bine by’igihugu n’igikombe cya UEFA champions league mu mwaka wa 2015.
Mu mwaka w’imikino wa 2019- 2020, Suarez yatsinze ibitego 21, akaba ari nabyo bitego bike yari atsinze.
Yavuze ko kubera uburyo umugore we yabonaga atishimye, yahoraga yifuza ko yakwimuka akava muri iyo kipe akerekeza ahandi.
