Minisiteri y’Ubuzima mu Rwanda iratangaza ko abantu 87 bamaze gukira COVID-19 (harimo batatu bashya bakize mu masaha 24) naho abandi 67 bakaba bakirimo kuvurwa icyo cyorezo.
Umuntu umwe mushya ni we wagaragayeho icyo cyorezo ku wa Kane tariki 23 Mata 2020 mu bipimo 1,343 byafashwe kuri uwo munsi, bituma abagaragayeho icyo cyorezo bose hamwe baba 154 (harimo 87 bakize).
Kugeza kuri uyu wa Kane mu Rwanda ntawe urapfa azize icyo cyorezo cya Covid-19 , abarwayi bose bakaba barimo kuvurirwa ahantu habugenewe kandi barimo koroherwa, nk’uko itangazo ryashyizwe ahagaragara na Minisiteri y’Ubuzima ribigaragaza.
