Friday, July 1, 2022
HomeUbuzimaSénégal:Sénégal yavuguruje amakuru yavugaga ko yatumije umuti wa Covid-19 wavumbuwe na Madagascar.

Sénégal:Sénégal yavuguruje amakuru yavugaga ko yatumije umuti wa Covid-19 wavumbuwe na Madagascar.

Sénégal yahakanye ko yatumije umuti uherutse gushyirwa hanze na Madagascar, bivugwa ko uvura Covid-19, witwa Covid-Organics.

Covid-Organics” wakorewe muri Madagascar bivugwa ko urigukoreshwa mu kuvura covid-19

Ku wa 20 Mata ubwo yari mu Ishuri rikuru ry’Ubushakashatsi muri Madagascar, (IMRA), Perezida Rajoelina Andry, w’iki gihugu yabwiye abaminisitiri, abadiplomate n’abanyamakuru ko igerageza ryamaze gukorwa, abantu babiri bamaze gukizwa n’uyu muti.

Uwo muti wiswe Covid-Organics bavuze ko uzatangwa ku buntu ku bihugu biwukeneye cyane, ku bandi ugurishwe ku giciro gito cyane, amafaranga yose azavamo akazashyikirizwa IMRA kugira ngo atere inkunga ubundi bushakashatsi.

Kuwa Gatanu w’icyumweru gishize, Perezida Rajoelina, yanditse kuri Twitter ko mugenzi we wa Sénégal, Macky Sall, yatumije uwo muti uvura Covid-19

Umwe mu bari hafi ya Perezida Macky Sall, yavuze ko ‘nta gutumiza uyu muti byigeze bibaho’.

Dr Abdoulaye Bousso uhuza ibikorwa byo kurwanya covid-19 muri Sénégal, yagize ati “Nta makuru mfite y’umuti watumijwe n’iki gihugu, ndatekereza ko tuzategereza ibyo ari byo”.

Yakomeje asobanura ko Perezida Macky Sall, icyo yavuze ari uko igihugu cyiteguye kuba cyakwakira uyu muti ariko kikawusuzuma harebwa niba wafasha abarwayi ba Covid-19.

OMS iherutse gutangaza ko ‘umuryango mpuzamahanga utigeze usaba kwivuza imiti iyo ari yo yose mu rwego rwo gukumira cyangwa kuvura Covid-19’.

Umuyobozi wa OMS, Dr Tedros Adhanom Ghebreyesus, na we yigeze gutangaza ko nta guca iy’ibusamo mu gushakisha umuti nyawo uvura Covid-19.

OMS yongeyeho ko hakomeje amagerageza ku rwego mpuzamahanga yo gushakisha umuti wa Covid-19.

Umuti wa Madagascar umeze nk’icyayi, ngo utanga ibisubizo mu gihe cy’iminsi irindwi. Ukoze mu giti cya Artemisia annua kimeze nk’ikimera cya Munukanabi gisanzwe gikoreshwa mu gukora umuti wa Malaria.

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments