Uganda: Igabanuka rya Oxygene mu mazi, impamvu ikekwa yo gupfa kw’amafi muri Victoria

3,481
indo Banner01

Itangazo ry’urwego rw’igihugu rushinzwe ibidukikije muri Uganda(NEMA) rivuga ko ifi ziri gupfa mu kiyaga cya Victoria zishobora kuba zicwa n’uko umwuka wo guhumeka uzwi nka oxygene wagabanutse mu mazi.

Kugeza ubu ntawuzi uburyo ifi zimaze kwisuka ku nkengero uko zingana, ariko amafoto yahererekanywe ku mbuga nkoranyambaga n’abantu baba hafi y’ikiyaga yerekana ifi nyinshi zisutse ku nkengero.

Ubwoko bw’ifi bita Nile perch, busanzwe buzwiho kutihanganira kuba ahantu hari oxygene nkeya nibwo bwibasiwe cyane. Nile Perch ni ubwoko bw’amafi bushobora gukura bugapima kugera hafi ku biro 100, kandi busanzwe buribwa cyane muri Uganda.

Imyuzure iherutse kuba kuri iki kiyaga yatumye ibyatsi byinshi byirohamo. ibi byatsi ngo bikoresha oxgyene nyinshi mu gihe biri kubora, aribyo bifatwa nk’icyate igabanuka ryayo mu kiyaga nkuko bitangazwa n’ikigo k’igihugu gishinzwe kurengera ibidukikije muri Uganda (NEMA).

Ubuyobozi muri Uganda burimo burakora iperereza ku gupfa ku bwinshi kw’amafi mu kiyaga cya Victoria, ikiyaga cya mbere kinini muri Africa.

Nile Perch ni ubwo bwoko bivugwa ko bumererwa nabi iyo uregero rwa oxygene rugiye munsi ya miligrama ebyiri (2mg) kuri Litilo y’amazi.

Abashinzwe kurengera ibidukikije bavuga ko iyi atari inshuro ya mbere hapfa amafi menshi mu Kiyaga cya Victoriya, Abaturiye iki Kiyaga basabwe kutarya aya mafi ahubwo bakayashyingura.

Gutanga ibitekerezo byahagariswe.