Umunya Cote d’Ivoire Gerard Bi Goua Gohou yahamagawe mu Amavubi.

772

Rutahizamu w’umunya Côte d’Ivoire Gerard Bi Goua Gohou yahamagawe mu ikipe y’igihugu Amavubi y’u Rwanda.

Uyu mugabo w’imyaka 33 y’amavuko akina muri Kazakhstan mu ikipe yitwa Aktobe. Arasanga bagenzi be muri Morocco nk’uko iyi kipe ye yabitangaje.

Gohou yatangiye gukina muri 2004 muri JC Abidjan maze mu 2008 agaragara mu ikipe ya mbere yakinnye mu cyiciro cya mbere cya Corte d’Ivoire.Yamaze imyaka ine yose akinira JC Abidjan.Yayivuyemo yerekeza muri Hassania Agadir muri 2008,ayikinira imikino 17 atsinda ibitego 9.

Ku ya 15 Gashyantare 2010, ikipe ya Neuchâtel Xamax yo mu Busuwisi yatangaje ko yasinyiye Gohou ariko yagiye atarangije amasezerano na Hassania Agadir yo muri Maroc biteza umwuka mubi ndetse uyu afungwa iminsi 3 muri iki gihugu azira iyi myitwarire.

Uyu yakinnye mu yandi makipe nka Krasnodar yo mu Burusiya,Kasimpasa,Denizlispor n’izindi.Yakiniye Cote d’Ivoire muri U23 imikino 5 atsinda ibitego 3.

Mu minsi ishize nibwo Perezida wa FERWAFA,Nizeyimana Olivier yatangaje ko bagiye kongera kurambagiza abakinnyi b’abanyamahanga bakomeye hanyuma bakinire ikipe y’igihugu “Amavubi”.

Yavuze ko kuba bikorwa mu yindi mikino no mu mupira w’amaguru bitabujijwe aho yaboneyeho kwemeza ko hari 2 cyangwa 3 bari kuvugana.

Email yanyu ntaho izigera igiragazwa