Robinho wahoze akinira ikipe ya Real Madrid yahamwe n’Icyaha cyo gufata ku ngufu akatirwa imyaka 9
Kuri uyu wa kane tariki 10 Ukuboza 2020 nibwo urukiko rw’i Milan mu Butaliyani rwakatiye umukinnyi Robinho wahoze ari umukinnyi ukomeye mu ikipe ya Real Madrid igifungo cy’imyaka 9 kubera icyaha cyo gufata ku ngufu umukobwa ukomoka muri Albania aho iki cyaha yagikoze muri 2013 ubwo yakinaga mu ikipe ya AC Milan.
Uyu Robson de Souza Santos wamamaye nka Robinho w’imyaka 36 y’amavuko akaba yarakiniye AC Millan kuva muri 2010-2014,nyuma yaje kwerekeza muri Atletico Mineiro avuye muri Guangzhou Evergrande .
Robinho akaba akomeje guhakana yivuye inyuma ibyo aregwa.Uretse kuba uyu mukinnyi yahanishijwe kuzafungwa imyaka 9, yanaciwe n”amande angana n’ibihumbi 60 by’amayero.
Uyu munya-Brezil akaba yaramenyekanye mu makipe akomeye yo ku mugabane w’i Burayi, twavuga :Machester City ,AC Millan na Real Madrid.
