Ikipe ya Tottenham Hotspur yatwaye igikombe yaherukaga mu myaka 17 ishize. Muri iyo myaka yose nta gikombe icyo aricyo cyose yari yagatwaye. Yabigezeho mu ijoro ryacyeye ryo ku wa Gatatu tariki 21 Gicurasi, nyuma yo gutsindira Manchester United ku mukino wa nyuma wa UEFA Europa League 2024-2025 wabereye i Bilbao muri Espagne igitego 1-0.
Stade ya Nuevo San Mamés Barria yo mu Mujyi wa Bilbao muri Espagne yari yakubise yuzuye ari nako buri kipe yari ifite yo kurengera umwaka wayo nibura itwara igikombe cyo ku rwego rw’umugabane.
Igitego cyabonetse muri uyu mukino cyatsinzwe na Brennan Price Johnson ku mupira yahawe na Pape Matar Sarr, igice cya mbere kirangira Tottenham Hotspur iyoboye umukino.
Ni umukino wayobowe n’umusifuzi w’Umudage, Félix Zwayer.
Ku rundi ruhande, ku munota wa 60′ w’umukino ikipe ya Manchester United yari imaze guhererekanya umupira inshuro 241 kuri 90 ya Tottenham Hotspur.
Byarangiye Man U idashoboye kwitwara neza kuko yatsinzwe igitego nyuma y’aho abasore bayo nka Rasmus Winther Højlund na Mason Mount bananiwe kuyitsindira.
Comments are closed.