Abakinnyi 2 ba Man City Riyad Mahrez na Laporte babasanzemo coronavirus

3,803

Manchester City yatangaje ko abakinnyi bayo babiri; Riyad Mahrez w’imyaka 29 na Aymeric Laporte w’imyaka 24, bombi banduye icyorezo cya Coronavirus.

Umunya-Algérie Riyad Mahrez na Laporte w’Umufaransa, ntabwo bakiri kwitozanya na bagenzi babo kuko bagomba kwishyira mu kato kugirango hubahirizwe amabwiriza ya guverinoma y’u Bwongereza na Premier League.

Manchester City bakinira, yatangaje ko bombi nta bimenyetso bya Coronavirus bagaragaza.

Iti “Buri wese mu ikipe yifurije gukira vuba Riyad na Aymeric mbere y’uko bagaruka mu myitozo bitegura umwaka mushya w’imikino.”

Ikipe y’umutoza Pep Guardiola, izasubira mu kibuga ku wa 21 Nzeri, ikina na Wolves mu mukino wayo wa mbere muri Premier League ya 2020/21.

Aymeric Laporte yavuze ko kuri ubu ameze neza ndetse ari gukurikiza amabwiriza yose yahawe. Ati “Mwakoze mwese ku butumwa bwanyu, buri kimwe kimeze neza mu buryo bushoboka bwose. Ndi gukurikiza amabwiriza kandi nzagaruka vuba, namwe mwirinde.”

Aba bakinnyi bombi bari mu Bwongereza, bazamara iminsi 10 mu kato, aho byitezwe ko bazakina umukino wa Wolves uzaba mu byumweru bibiri biri imbere.

Leave A Reply

Your email address will not be published.