Ejo kuwa gatandatu Abantu bitwaje intwaro bateye ishuli ryigenga rya Mother Francisca ryo mu karere ka Kumba gasanzwe kagaragaramo imvururu, bica abanyeshuli batandatu abandi barakomereka.
Abayobozi b’Akarere ka Kumba kari mu majyepfo ashyira uburengerazuba bwa Cameroun bashinja abarwanyi bavuga Icyongereza bashaka kwigenga ko aribo bakoze iki gitero, gusa nta ruhande na rumwe ruremeza aya makuru.
Umwe mu bashinzwe uburezi muri aka Karere yavuze ko abana bishwe bari hagati y’imyaka 12 na 14.
Amashuli amwe yo mu Turere Tuvuga icyongereza aherutse gufungura nyuma y’imyaka ine yose yarafunzwe kubera ubwoba buterwa n’imitwe y’abarwanyi ishaka ko Leta ya Ambazonia yakwigenga.
Hagati aho, umwe mu bayobozi bayoboye abashaka kwigenga yavuze ko barimo barategura itangazo rinenga ubwo bwicanyi.
Src: BBC
