Coronavirus: Tanzania yatangaje amakuru mashya nyuma y’ukwezi kose.

9,883
RPF

Minisitiri w’intebe wa Tanzania Kassim Majaliwa yavuze ko mu gihugu hari abantu 66 barwaye coronavirus, leta iheruka gutangaza amakuru kuri iki cyorezo tariki 29/04/2020.

Perezida Magufuli na minisitiri w'intebe Majaliwa
Perezida Magufuli na minisitiri w’intebe Majaliwa

Bwana Majaliwa yavuze ko abo bantu 66 bari mu bitaro mu turere 10 tw’igihugu, yongeraho ko mu tundi turere dusigaye 16 nta muntu ufite iki cyorezo Covid-19 uhari.

Mu minsi ishize Perezida John Magufuli yari yatangaje ko “nta coronavirus ikiri muri iki gihugu” kubera amasengesho y’abaturage.

Mu kwezi gushize, Ambasade ya Amerika yatangaje ko mu mujyi wa Dar es Salaam ibitaro byaho “byuzuriranye” kandi ko ibyago byo kwandura iki cyorezo cya COVID-19, muri uwo muyi biri hejuru cyane – gusa ntiyatangaje ibyo ishingiraho yemeza ibi.

Mu ijambo rye ejo kuwa mbere, minisitiri w’intebe yavuze ko imibare y’abanduye mu gihugu yagabanutse. Asaba abaturage gukomeza ingamba zatangajwe zo kwirinda gukwiza iyi virus.

Umubare w’abantu bose hamwe banduye coronavirus muri Tanzania ntabwo uzwi neza. Tariki 29 z’ukwezi kwa kane ubwo baheruka gutangaza imibare leta yavugaga abanduye bose ari 509 na 21 bari bamaze kwicwa nayo.

Tariki 01 z’uku kwezi kwa gatandatu, minisitiri w’ubuzima Madamu Ummy Mwalimu yavuze ko muri Dar Salaam hari abarwayi bane gusa.

Amashuri yisumbuye, amakuru na za kaminuza yongeye gufungura tariki 01 z’uku kwezi, imikino nayo yongeye kwemererwa gutangira. nubwo imibare itazwi neza.

Leave A Reply

Your email address will not be published.