Wednesday, June 29, 2022
HomeMu MahangaDRC: Abaturage barenga 50 bishwe batemaguwe abandi bararaswa

DRC: Abaturage barenga 50 bishwe batemaguwe abandi bararaswa

Ifoto igaragaza igice kimwe cy'abishwe mu bwicanyi bwo ku cyumweru

Abasivile barenga 50 bishwe barashwe abandi batemaguwe n’inyeshyamba ku cyumweru mu gace ka Mabilindeyi muri teritwari ya Djugu, Intara ya Ituri, nk’uko umukuru wa sosiyete sivile yaho abivuga.

Mu gihugu cya Repubulika iharanira demokarasi ya Congo haravugwa ubwicanyi bwakoreye abasivile mu gace ka Ituri, ni ubwicanyi bivugwa ko bwahitanye abaturage bagera kuri 50, bikaba bivugwa ko hari abicishijwe imihoro abandi bakicwa barashwe, hagashyirwa mu majwi imitwe y’inyeshyamba ikorera muri ako gace.

Dieudonn√© Lossa yabwiye BBC dukesha iyi nkuru ko mu bishwe harimo abagore n’abana kandi ko byakozwe n’inyeshyamba za “CODECO nk’ibisanzwe”.

Lossa avuga ko kugeza ubu imibare nyayo y’abapfuye n’inkomere itaramenyekana neza kandi ishobora kwiyongera mu gihe hari abagishakishwa bashobora kuba bishwe.

Itangazo rya ministeri y’itumanaho ya DR Congo rivuga ko icyo gitero cyagabwe n’inyeshyamba za CODECO.

Mu gitondo ku cyumweru, inyeshyamba zitwaje intwaro zateye kariya gace k’ubucukuzi bw’amabuye y’agaciro zirarasa mbere yo kwirara mu baturage zibica zinatwika inzu zabo.

Radiookapi yo muri DR Congo ivuga ko abapfuye bagera kuri 60 naho abakomeretse bakaba barenga 30.

CODECO ni umwe mu mitwe yatumiwe n’ibiro bya perezida ikanga kwitabira ibyo biganiro bya Nairobi bigamije gusaba inyeshyamba gushyira intwaro hasi.

Ubu bwicanyi muri Ituri bukomeje mu gihe iyi ntara imaze igihe kirenga umwaka mu bihe bidasanzwe by’amategeko ya gisirikare aho ingabo zahawe uburenganzira ku bikorwa byose bigamije kurwanya imitwe yitwaje intwaro.

RELATED ARTICLES
- Advertisment -

Most Popular

Recent Comments