Nyuma y’aho umwe mu baministri agaragayeho icyorezo cya covid-19, 18 bagize guverinoma bashyizwe mu kato.
Nyuma yaho umwe mu bagize guverinoma agaraweho icyorezo cya covid-19, Ubwami bwa eSwatini bwafashe umwanzuro wo gushyira mu kato abagera kuri 18 bose bagize guverinoma, ku ikubitiro , minisitiri w’ibikorwa bya Leta n’ubwikorezi Ndlaluhlaza Ndwandwe ni we wapimwe bamusangamo ubwandu bwa COVID-19 mu gihe gito gishize, yapimwe ari kumwe n’abandi.
Umuvugizi w’Ibiro bya Minisitiri w’Intebe witwa Sabelo Dlamini avuga ko kubera iriya mpamvu, ba Minisitiri bose bagomba kujya mu kato mu ngo zabo, ariko bagakomeza gukorerayo akazi.
Basabwe gukorera mu ngo kandi bakajya bakorana inama buri munsi hakoreshejwe ikoranabuhanga.
Abagize Guverinoma ya eSwatini bishyize mu kato nyuma gato y’uko Minisitiri w’Intebe, Ambrose Dlamini atangaje ko abaturage basubira mu mirimo yabo, bakava muri gahunda ya Guma mu rugo batangiye taliki 27 Werurwe, 2020.
Amashuri yongeye gutangira gukora ku wa Mbere taliki 06 Nyakanga, 2020.
Kugeza taliki 04 Nyakanga, 2020 abantu 13 ni bo babaruwe ko bishwe na COVID-19 muri e-Swatini.
