Umukinyi Kevin de Bruyne uri mu bahetse ikipe ya Manchester City yatangaje ko mbere y’uko Covid-19 ihagarika Premier League,umukinnyi yabonye witwaye neza kurusha abandi bose ari umunya Senegal Sadio Mane ukinira Liverpool akaba ariko we abibona nkumukinnyi
Kevin de Bruyne yavuze ko ahawe amahirwe yo gutora umukinnyi witwaye neza muri uyu mwaka w’imikino nubwo utararangira,nta kabuza yatora Sadio Mane kubera ukuntu yafashije cyane Liverpool kugeza ubwo shampiyona isubikwa itsinzwe rimwe ikananganya rimwe.
Liverpool yitwaye neza cyane muri Premier League yahagaritswe ku munsi wa 29 irusha Manchester City ya kabiri amanota 25, gusa De Bruyne yemeza ko Mane yakoze akazi gakomeye kugirango Liverpool ibe yaritwaye neza .
Yagize ati “Kuri njye umukinnyi w’umwaka ni Sadio Mane.Ndakeka yitwaye neza cyane muri Liverpool.Yabaye uw’ingirakamaro.Ndamutse mpisemo umukinnyi umwe,natora Mane.”
Kevin De Bruyne nawe ari mu bakinnyi bitwaye neza muri uyu mwaka w’imikino wahagaritswe na Covid-19 ,kuko yatsinze ibitego 9 anatanga imipira 20 yavuyemo ibitego bivuzeko ari mubakinnyi ba Man.City.
Uyu mukinnyi w’umuhanga cyane yari muri gahunda yo gukuraho agahigo ka Thierry Henry ko gutanga imipira 20 ivamo ibitego muri shampiyona imwe,cyane ko yari amaze gutanga 17 kandi ikipe ye igifite imikino 10 ya Premier League yo gukina nawe mugukuraho ako gahigo yakomwe mu nkokora(mu kaguru ) na Covid-19 yahagaritse imikino.
Ku rundi ruhande,Kevin de Brune yatangarije Jamie Redknapp ko yakwishima cyane Manchester City iguze Cristiano Ronaldo kuko ngo niwe mukinnyi bakorana neza kubera ubuhanga bwo gutsinda afite buvanze no kwihuta cyane kandi nawe akaba abikunda bivuzeko bakorana neza.
