A man removes a fallen branch from the roof of a house, amidst Cyclone Emnati, in Fort Dauphin, Madagascar February 23, 2022, in this still image obtained from a social media video. Courtesy of Louise du Plessis, Twitter @Louisedp3137/via REUTERS

Madagascar yibasiwe n’inkubiri ya kane y’umuyaga”Cyclone”; Hakenewe ubufasha bwihuse

By Samuel Kwizera Last updated Feb 24, 2022

Inkubiri ya kane y’umuyaga “Cyclone” yibasiye Madagascar, mu kwezi kumwe yangije amazu n’ibihingwa, inongera ubwoba bw’imyuzure mishya.

Umwe mu bayobozi bakuru bo mu ishyirahamwe mpuzamahanga ry’umryango utabara imbabare(IFRC), Denis Bariyanga, yavuze ko ingo zigera ku bihumbi 160 zibasiwe n’ibibazo byaturutse kuri uyu muyaga.

Umuyaga wa Cyclone Emnati wo kuwa kabiri mu ijoro, wahurije hamwe imiyaga yagenderaga kuri kilometer 100 ku isaha(100km/h), uzana imvura, n’imiraba myinshi.

Abantu bagera ku bihumbi 30 mu majyepfo y’uburasirazuba bw’igihugu barimuwe mbere y’uko umuyaga uza.

IFRC ivuga ko hakenwe byihutirwa gushaka ibiryo, amazi meza, n’uburyamo bw’abimuwe.

Madagascar ikunda kwibasirwa n’imiyaga ya Cyclone hagati y’ukwezi kwa cumi na kumwe(Ugushyingo) n’ukwa kane(Mata) buri mwaka.