Inyeshyamba za M23 ziravugwaho gukorana n’abacanshuro b’abazungu mu ntambara na FARDC

Inyeshyamba za M23, zatangiye kuvugwaho gukorana n’abacanshuro b’Abazungu, zageze i Bwalanda, Mines, Katolo na SOMIKIVU, kuri iki cyumweru, itariki ya 10 Werurwe nyuma ya saa sita, nyuma y’iminsi 4 FARDC na wazalendo bihavuye ngo mu buryo buri stratégique kuva ku wa 6 Werurwe 2024, bituma hafatwa imijyi ya Nyanzale, Kibirizi, Kirima, na Rwindi.

Nk’uko byatangajwe na Tazama DRC, ngo umurongo w’inyeshyamba za M23 zavuye i Nyanzale zijya i Bwalanda mbere y’uko igice kimwe cyabo gisubira i Nyanzale, mu gihe ikindi cyakomeje inzira yerekeza i Kibirizi kugeza Rwindi mu ijipe hamwe n’ikamyo ngo yari irimo abantu 2 b’abazungu.

Abanditse iyi nkuru bakomeza bemeza ko kuva mu Kwakira 2023 ari bwo abacanshuro b’abazungu bagaragaye iruhande rwa M23. Bari baravuzwe mu misozi ya Bitoborero, Bizuru, Mushushwe na Butobya mu itsinda rya Kibumba (Nyiragongo).

(Src: Rwandatribune)