Ishyaka riri ku butegetsi muri Tanzania, Chama cha Mapinduzi (CCM), waraye wemeje Perezida Samia Suluhu Hassan kugira ngo azarihagararire mu matora y’umukuru w’iki gihugu azaba muri uno mwaka.
Iki cyemezo cyafashwe mu ihuriro rya CCM ku wa gatandatu ushize taliki ya 18 Mutarama 2025. Muri iyi nama bivugwa ko yabaye mbere y’igihe cyari giteganijwe, yari yitabiriwe n’abarwanashyaka ba CCM ndetse ikitabirwa na bamwe mu bakomeye muri iryo shyaka, yongeye igena inatora umunyapolitiki w’inararibonye Stephen Wasira nk’uwunganira Samiya Suluhu ndetse na Bwana Hussein Mwinyi guhagararira iryo shyaka mu kirwa cya Zanzibar.
Jakaya Kikwete wigeze kuyobora iki gihugu akaba ari n’umwe mu bari bitabirye iyo nama yavuze ko anejejwe n’amahitamo y’abarwanashyaka ba CCM anavuga ko iryo shyaka rifite ubushobozi bwo kwihitiramo abariyobora.
Ni bwo bwa mbere CCM igennye abazakwitoza ku mwanya w’umukuru w’igihugu hakiri kare, mu ntangiriro z’umwaka, kandi mu ihuriro ritategekanya kwiga iki kibazo. Mu bisanzwe, ingingo nk’izi zifatwa hasigaye amezi make kugira ngo ibikorwa byo kwiyamamaza bitangire.
Comments are closed.