Myugariro w’Ikipe y’Igihugu ya Maroc na Paris Saint-Germain yo mu Bufaransa, Achraf Hakimi, yegukanye igihembo cy’Umukinnyi Mwiza w’Umunyafurika mu mwaka wa 2025.
Ni mu bihembo byatanzwe n’Impuzamashyirahamwe ya Ruhago muri Afurika, CAF.
Uyu muhango wo guhemba abakinnyi bitwaye neza ku Mugabane wa Afurika wabaye mu ijoro ryo ku Gatatu, tariki 19 Ugushyingo 2025, muri Maroc.
Hakimi yegukanye iki gihembo ku nshuro ya mbere, nyuma yo kugira umwaka mwiza cyane mu Ikipe ya Paris Saint-Germain yahesheje UEFA Champions League, Igikombe cya Shampiyona y’u Bufaransa no kwitwara neza mu Ikipe y’Igihugu ya Maroc.
Uyu mukinnyi yiyongereye ku bandi begukanye iki gihembo nka Yaya Touré wagihawe inshuro enye (2011, 2012, 2013 na 2014), Samuel Eto’o (2003, 2004, 2005 na 2010) naho El Hadji Diouf, Nwankwo Kanu na Didier Drogba, Mohamed Salah na Sadio Mané bagitwaye inshuro ebyiri buri umwe.
Hari kandi Pierre-Emerick Aubameyang, Victor Osimhen na Ademola Lookman bagifite inshuro imwe.
Mu bagore iki gihembo cyegukanywe n’Umunya-Maroc, Ghizlane Chebbak ukinira Al Hilal SFC yo muri Arabia Saoudite.
Comments are closed.