Ruboneka Jean Bosco yabonye ikipe yerekezamo nyuma y’igihe ashomereye

Umukinnyi w’Umunyarwanda ukina mu kibuga hagati, Ruboneka Jean Bosco, yamaze kwerekeza muri Libya aho yasinyiye ikipe ya Al-Tahaddi Sporting Club Benghazi, nyuma yo gutandukana na APR FC yari amaze imyaka itandatu akinira.

Ruboneka Jean Bosco w’imyaka 27 yerekeje mu ikipe ya Al-Tahaddi yo mu gihugu cya Libya, nyuma y’imyaka itandatu yari amaze mu ikipe ya APR FC, ikipe y’Ingabo z’u Rwanda.

Uyu mukinnyi yageze mu ikipe ya APR FC mu mwaka wa 2020 avuye muri AS Muhanga yo mu Karere ka Muhanga, mu myaka yamaze muri iyi kipe yabaye umwe mu bakinnyi b’inararibonye bakina hagati mu kibuga. Mu mpera z’umwaka w’imikino wa 2025/26, APR FC yatandukanye na Ruboneka nyuma y’uko amasezerano ye arangiye.

Mu mwaka we wa nyuma muri APR FC, Ruboneka yakinnye imikino 20 ya shampiyona, atsinda igitego kimwe anatanga imipira ibiri yavuyemo ibitego. Yarangije umwaka w’imikino amaze gukina iminota 1,778.

Al-Tahaddi ni ikipe ifite amateka akomeye muri Libya

Iyi kipe Ruboneka Jean Bosco yerekejemo, Al-Tahaddi Sporting Club, yitoreka ikanakinira mu Mujyi wa Benghazi, umwe mu mijyi ikomeye muri Libya. Yashinzwe mu mwaka w’i 1954, ikaba ikinira kuri Benina Martyrs International Stadium, stade yakira abarenga 10,000.

More Read

Lionel Messi ufatwa nk’umwami wa ruhago yasezeye mu ikipe y’igihugu ya Argentine

Cristiano Ronaldo yashyizeho umurongo utukura

Umukunzi wa Niyomugabo Claude amarangamutima yamurenze yemera kumena ibanga rye na Niyomugabo Claude

AMAVUBI yaraye ahangamuye Cape Verde

Al-Tahaddi ni imwe mu makipe afite amateka akomeye mu mupira w’amaguru wa Libya. Ni yo kipe ya mbere yo hanze y’Umurwa Mukuru Tripoli yatwaye igikombe cya shampiyona ya Libya, ndetse imaze gutwara shampiyona y’icyo gihugu inshuro eshatu.

Iyi kipe kandi yatwaye Libyan Super Cup inshuro imwe, bityo kuba Ruboneka agiye kuyikinira bikaba ari intambwe ikomeye mu rugendo rwe, cyane cyane ko agiye mu ikipe ifite amateka akomeye mu mupira w’amaguru wo muri Libya.

More Read

Amavubi yahangamura Cap-Vert yavugishije benshi mu Gikombe cy’Isi?

Haruna Niyonzima yagizwe umutoza wa Gasogi Utd

RSSB Tigers yanditse amateka i Beijing, ibona intsinzi ya mbere muri FIBA Intercontinental Cup 2026

Ikipe y’u Rwanda RSSB yahuye n’uruva gusenya mu mukino wa mbere wa FIBA Intercontinental Cup

Mu mwaka w’imikino wa 2025/26, Al-Tahaddi yari mu itsinda rya kane rya shampiyona ya Libya, yarangije ku mwanya wa kane mu makipe umunani, nyuma yo gukina imikino 14.

Yari ifite amanota 21, imikino itanu yatsinze, itandatu inganya, itsindwa itatu, itsinda ibitego 21 mu gihe yinjijwe 14.

Muri uwo mwaka, Al-Tahaddi yanagaragaje imbaraga mu mikino imwe n’imwe, aho yatsinze Al-Andalus ibitego 4-0, ndetse itsinda Al-Moroj ibitego 3-1.

Shampiyona ya Libya ya 2026/27 yari itaratangira kugeza ubu; gahunda y’imikino igaragaza ko Al-Tahaddi izatangira urugendo rushya ihura na Al Ahly Benghazi ku wa 15 Ukwakira 2026.