Imikino ya CHAN 2020 yari Iteganijwe kuba ku matariki ya 4 kugeza kuya 25 Mata izitabirwa n’ibihugu 16, ikabera mu gihugu cya Cameroune
Kubera icyorezo cya Coronavirus cyibasiye isi cyatumye byinshi mu bihugu byagaragayemwo kino cyorezo ndetse n’ibihugu bya Afurika bihagarika ibikorwa byose bijyanye n’imyidagaduro, imikino itandukanye ndetse n’ibindi bihuza abantu benshi mu rwego rwo kwirinda ikwirakwizwa ry’ubwandu bushya bwa Coronavirus.
Mu ibaruwa Minisitiri wa siporo muri Cameroun Narisse Kombi Mouelle yandikiye umunyamabanga mukuru wa CAF, ivuga ko iki Gihugu cyifuza ko CHAN 2020 yabera ku matariki yageneweho kuko komite ishinzwe kuyitegura yizeye ko izagenda neza nta mpungenge n’imbogamizi ziboneka zatuma ikino gikombe kitaba.
Mu ibaruwa yanditse iragira iti” kubijyanye n’imyiteguro kuva tariki 4 kugeza tariki 25 mata 2020 z’iri rushanwa, abayobozi ba Cameroun bafashe ingamba zitandukanye zigamije kurwanya icyorezo cya Coronavirus kibasiye isi, komite ishinzwe gutegura irushanwa COCAN yiteguye kwakira abahagarariye ibihugu byose CAF yemeje ko bizitabira imikino ya nyuma y’irushanwa rya CAN 2020 rizahuza amakipe ahagarariye ibihugu 16 akinamwo abakinnyi bakina imbere mu bihugu byabo.
Hari amakipe yamaze gutangaza ko atazitabira iyi mikino kubera icyi cyorezo kimaze guhungabanya ubukungu bw’isi.
Igihugu nka Maroc kigaragara ku rutonde rw’ibihugu bimaze gutangaza ku mugaragaro ko bitazitabira ayo marushanwa, ndetse n’ikipe y’igihugu AMAVUBI hari impungenge ko itakwitabira ayo marushanwa nubwo bwose yari yarakatishije itike yo kwitabira iyo mikino. Ibyo bibaye nyuma yaho impuzamashyiramwe y’umupira w’amaguru muri Afurika (CAF ) iherutse gusubika imikino y’umunsi wa 3 n’umunsi wa 4 mu matsinda yo gushaka itike, CAF yavuze ko ibijyanye na CHAN 2020 itegereje raporo izashyikirizwa n’itsinda rya komisiyo yayo y’ubuvuzi yasuye Cameroun tariki ya 14 niya 15 werurwe 2020
