Hissène Habré wigeze kuyobora Tchad imyaka 8 yose yahitanywe na Covid-19.

1,870
Sénégal : Hissène Habré retourne en prison - Le Point
Bwana Hissene Habre wigeze kuyobora igihugu cya Tchad amaze gushiramo umwuka azize uburwayi bwa Covid-19

Amakuru y’urupfu rw’uyu musaza wari umaze kugira imyaka 79 y’amavuko yashyizwe hanze n’ibiro ntaramakuru by’Abafaransa ndetse binemezwa n’umuryango we kuri uyu wa kabiri taliki ya 25 Kanama 2021, bikaba bivugwa ko yazize andwara ya Covid-19.

Avuga ku rupfu rwe, Reed Brody wakore ubukangurambaga bwo kugira ngo uyu wahoze ari Perezida aburanishwe, yavuze ko “azibukwa mu mateka nk’umwe mu banyagitugu batagira impuhwe na nkeya, umugabo wishe abantu be bwite”.

Habré yayoboye igihugu cya Tchad hagati y’umwaka w’i 1982 ahyizweho n’Abafaransa ku ihirika ry’ubutegetsi, nyuma nawe aza gukurwa ku buyobozi ahiritswe na Idriss Deby mu mwaka w’i 1990.

Mu 2016, Habré yahamwe n’ibyaha bakozwe ubwo yari Perezida kuva mu 1982 kugeza mu 1990.

Guhamwa n’ibyaha kwe kwabaye mu rubanza rwanditse amateka rwabereye muri Senegal. Bwari bwo bwa mbere urukiko rushyigikiwe n’umuryango w’Ubumwe bw’Afurika ruburanishije uwahoze ari Perezida, ku byaha bijyanye no gukandagira uburenganzira bwa muntu.

Habré yashinjwe kuba inyuma yo gufata abagore ku ngufu, gushyira abagore mu bucakara bushingiye ku gitsina ndetse no gutegeka ko abantu bicwa mu gihe yari ku butegetsi. Yahakanye avuga ko nta kintu na kimwe azi kuri ibyo byaha.

Mu rubanza rwe, abarokotse bavuze mu buryo butewe ubwoba ukuntu bakorewe iyicarubozo abifashijwemo n’umutwe wihariye (Special force) wa polisi y’icyo gihugu muri iyo myaka.

L'ex-président tchadien Hissène Habré est mort en détention au Sénégal

Leave A Reply

Your email address will not be published.