Kenya: Utubare twongewe iminsi 30 yo gufungura

6,103
indo Banner01
We have to open up the country at some point — President Uhuru ...

Leta ya Kenya yongereye iminsi 30 ku gihe cyo gufunga ibikorwa bihuriza hamwe abantu benshi ndetse n’utubari mu kwirinda ikwirakwira rya Coronavirus ikomeje kwibasira iki gihugu.

Iki cyemezo cyatangajwe na Perezida wa Kenya, Uhuru Kenyatta, mu ijambo yavugiye mu Ngoro ye iri i Nairobi kuri uyu wa Gatandatu rigaragaza uko igihugu gihagaze, mu guhangana na Coronavirus.

Perezida Uhuru yavuze ko umubare w’abanduye COVID-19 iterwa na Coronavirus muri Kenya wageze kuri 2,600 nyuma yo kuboneka kw’abarwayi bashya 126 basanganywe iki cyorezo.

Yanavuze ko umubare w’abamaze guhitanwa na Coronavirus na wo wiyongereyeho bane ugera kuri 83.

Bitewe n’ubwiyongere bw’ubwandu bushya n’abitaba Imana, Perezida Kenyatta yavuze ko Guverinoma yasanze bidakwiye koroshya ingamba zashyizweho mu guhangana n’ikwirakwira rya Coronavirus.

Citizen Tv yatangaje ko uburyo Coronavirus ihagaze muri Kenya bidatanga amahirwe yo koroshya ingamba zafashwe nkuko bigenwa n’inama z’abaganga n’inzego za leta.

Perezida Kenyatta yavuze ko mu koroshya ingamba hagenderwa ku ngingo eshatu zirimo ‘kuba ubwandu bushobora kugenzurwa, ndetse imibare y’abandura n’abitaba Imana ikagabanuka.’

Yakomeje ati “Ibi siko bimeze mu gihugu cyacu.’’

Yashimangiye ko inzego zacu z’ubuzima zigomba kwitegura bihagije mu guhangana n’ubwandu bushya, ziharanira kudasubira inyuma mu gihe cy’iki cyorezo.

Ati “Ubushobozi bwo kugenzura no gukurikirana abahuye n’abanduye bugomba gushyirwa ahantu hose mu gihugu.’’

Ubwiyongere bw’ubwandu bwa Coronavirus nibwo bwatumye Perezida Kenyatta atangaza ko ‘igihe cyo gufunga utubari n’ibikorwa bihuza abantu benshi cyongereweho iminsi 30.’

Yanavuze ko “Bitewe n’imiterere y’icyorezo ku Isi, ingamba zashyizweho ku ngendo mpuzamahanga zagumishijweho.’’

Biteganyijwe ko amashuri azafungura muri Nzeri 2020. Ibizamini bya Leta byashyizwe muri Gashyantare 2021.

Umurwayi wa mbere wa Coronavirus yagaragaye bwa mbere muri Kenya ku wa 12 Werurwe, yari umugore w’imyaka 27 wageze i Nairobi ku wa 5 Werurwe 2020 avuye muri Amerika aciye i London mu Bwongereza.

Perezida Uhuru yavuze ko iyo igihugu kidafata ingamba zo guhangana na Coronavirus nibura Kanama yari gusanga Abanya-Kenya 75 000 bitabye Imna mu gihe abasaga 800 000 bari kuba barwaye.

We have to open up the country at some point — President Uhuru ...

Gutanga ibitekerezo byahagariswe.