Ikipe ya Paris Saint Germain iherutse gusinyisha rutahizamu mpuzamahanaga Bwana Lionel Messi, iyo kipe yahise iza ku mwanya wa gatatu ku rutonde rw’amakipe ahenze ku isi.
Ikinyamakuru France football kimenyereye kwandika amakuru cyane cyane ajyanye n’umupira w’amaguru, cyasohoye urutonde rw’uburyo amakipe agiye arutanwa mu gaciro k’amafranga.
Kuri urwo rutonde, amakipe yo u gihugu cy’Ubwongereza niyo yaje ku isonga ndetse hagaragaramo umubare munini ku rutonde rw’amakipe icumi ahenze.
Kuri urwo rutonde, Ikipe ya Manchester City yo mu Bwongereza ikina championnat ya English premier league niyo yaje ku isonga mu makipe ahenze ku isi.
Mu mukino wayo uheruka aho iyi kipe yaje gutsindwa n’ikipe ya TottenhamFC, abakinnyi bayo babanza mu kibuga bafite agaciro ka miliyoni £530 mu gihe abicara ku ntebe y’abasimbura kuri uwo mukino bo bari bafite agaciro ka miliyoni 300 z’amapawundi. Iki kinyamakuru kikavuga ko iyi kipe ifite agaciro ka miliyoni 955.6 z’amapawundi.
Man City niyo iza ku mwanya wa mbere mu makipe ahenze mu mukino w’amaguru hano ku isi ya ruhago
Nyuma yo kugura Umubiligi ufite inkomoko mu gihugu cya DRC Bwana Lukaku akayabo ka miliyoni 97.5 z’amapawundi, ikipe ya Chelsea FC niyo iza ku mwanya wa kabiri w’uru rutonde. Abakinnyi bose ba Chelsea bafite agaciro ka miliyoni 898.2 z’amapawundi.
Chelsea FC niyo iri ku mwanya wa kabiri kuri runo rutonde
Miliyoni £894.4 z’amapawundi zatumye ikipe ya Paris Saint Germain iza ku mwanya wa gatatu kuri runo rutonde. Ino kipe igiye kuri runo rutonde nyuma yo kwibikaho rutahizamu Lionnel Messi, ndetse na Sergio Ramos, Gianluigi Donnarumma, Achraf Hakimi na Georginio Wijnaldum.
Dore urutonde rwose rw’amakipe 10 ahenze ku isi ya ruhago:
Ikipe ya Arsenal yari Arsenal yajyaga igaragara kuri runo rutonde rw’amakipe icumi, muri uno mwaka ntiyagaragayemo, ndetse ikipe ya Barca yajyaga mu myanya y’imbere, ubu kuri runo rutonde iri ku mwanya wa munani aho ibanzirizwa n’ikipe ya Real Madrid.
Kuri runo rutonde na none, usibye ikipe ya PSG yaje kuri uwo mwanya nta yindi kipe yo mu Bufaransa yarugaragayeho, yewe nta n’ikipe yo mu gihugu cy’Ubutaliyani iri kuri runo rutonde.
