Umuherwe Nick Candy yagaragaje inyota yo kugura ikipe ya Chelsea imaze iminsi iri ku isoko

Umuherwe w’umwongereza akaba n’umukunzi ukomeye w’ikipe ya Chelsea yagaragaje ko nawe afite inyota yo kugura iyo kipe imaze iminsi iri ku isoko

Umuherwe w’Umwongereza akaba n’umufana ukomeye w’ikipe ya Chelsea uzwi ku izina rya Nick Candy yatangaje ko ashaka gutanga akayabo k’ama pounds Miliyari 2 n’igice ngo yegukane iyo kipe y’ibigwo byinshi imaze iminsi iri ku isoko nyuma y’aho uwari nyirayo Roman Abramovic Umurusiya atangaje ko iri ku isoko.

Candy Nick yavuze ko kandi yiteguye gutanga andi agera kuri miliyari n’igice (1.5) azakoreshwa mu gusana ikibuga Stamford Bridge, ikipe ya Chelsea yakirira imikino ikanahitoreza.

Candy ufite imyaka 49 y’amavuko, yavuze ko yatangiye gufana ikipe ya Chelsea ubwo yari afite imyaka ine gusa, ndetse ko buri mwaka w’imikino aba yamaze kugura amatike yo kwitabira imikino yose ikipe ya Chelsea iba igiye gukina ari iyo yakiriye cyangwa isura.

Umuvugizi wa Candy yavuze ko Boss we yiteguye kugura iyo kipe ndetse ko biramutse bimugoye yakwemera akifatanya n’indi kompanyi ariko akegukana ikipe ya Chelsea.

Twibutse ko Bwana Roman Abromovic yavuze ko italiki ya nyuma yo kwakira amabaruwa asaba kugura iyo kipe ari taliki 15 z’uku kwezi kwa gatatu 2022.