Umuvugizi wa polisi wa Uganda Fred Enanga yatangaje ko bataye muri yombi umugabo w’imyaka 53, ukurikiranyweho gusambanya ku gahato nyina umubyara w’imyaka 100 y’amavuko.
Uyu mugabo ukekwaho gufata nyina ku ngufu, avuka mu mudugudu wa Olitoi mu mujyi wa Asamuk mu karere ka Asamuki mu gihugu cya Uganda.
Fred Enanga yabwiye abanyamakuru ko ukekwaho icyaha yari yaratandukanye n’umugore we, ariko taliki 8 Nzeri 2023, yasubiye kwa nyina saa tanu z’ijoro asanga nyina yamaze kuryama, noneho yinjira mu nzu azirika nyina amaguru n’amaboko akoresheje inzitiramibu arangije aramurongora.
Nyuma yasubiye mu gasantere k’ubucuruzi ka Asamuki. Aya mahano yababaje abaturage Bose bo muri ako gace, bashatse kwica uwo mugabo ariko polisi ihita itabara nk’uko daily monitor dukesha inkuru ikomeza ibivuga.
Yavuze ko bamwihutanye ku kigo nderabuzima cya Asamuki III ngo asuzumwe niba atasaze kandi aho niho tumurindiye.
Polisi tyatangaje ko yageze ahakorewe aya marorerwa, basanga umuryango w’inzu wishwe, ndetse n’uburiri bwasambagujwe.
Comments are closed.