Abahoze ari abakuru b’ibihugu bya Kenya na Nigeria be n’uwahoze ari minisitiri w’intebe wa Ethiopia, baraye bagenywe na EAC hamwe na SADC kugira ngo bahagararire umugambi w’amahoro muri Repubulika ya Demokarasi ya Congo.
Itangazo ryasohowe na Perezida William Ruto wa Kenya ari na we uyoboye EAC, rivuga ko Uhuru Kenyatta wa Kenya, Olusegun Obasanjo wa Nigeria na Hailemariam Desalegn Boshe wa Ethiopia ari bo bagiye guhagararira EAC na SADC mu biganiro byo gushaka amahoro mu Burasirazuba bwa Congo hamaze igihe kirenga imyaka itatu hari imirwano hagati y’umutwe wa M23 uhanganye n’ingaboza Leta zifatanije n’abandi bafatanyabikorwa harimo na FDLR
Ni icyemezo gifashwe n’abayoboye EAC na SADC, bari kumwe n’umunyamabanga mukuru wa EAC nk’uko iri tangazo ribivuga, inyuma y’inama y’abakuru b’ibihugu b’iyi miryango yombi iherutse kubera i Dar es Salaam muri Tanzania yo kwigira hamwe iki kibazo.
Perezida João Lourenço wa Angola aherutse gutangaza ko kubera imirimo mishya yo kuba umukuru w’Umuryango w’Ubumwe bwa Afrika atazashobora gukomeza ari umuhuza mu kibazo cya DR Congo.
Comments are closed.