Shampiyona ya Basketball mu bagabo no mu bagore muri uyu mwaka w’imikino wa 2024 iratangira.
Shampiyona y’icyiciro cya mbere mu bagabo y’uyu mwaka wa 2024. iteganyijwe gutangira kuri uyu wa Gatanu, tariki 9 Gashyantare 2024. Ni shampiyona izakinwa n’amakipe 10, ivuye ku makipe 12 yari asanzwe ayitabira. Biteganyijwe ko imikino myinshi, izajya ibera ku bibuga bya LDK ndetse na Kepler.
Ni shampiyona izakinwa n’amakipe 10. Asanzwe akina ni APR BBC, REG BBC, ESPOIR BBC, PATRIOTS BBC,K.TITANS, ORIONS, TIGERS BBC na UGB; Hakiyongeraho amakipe abiri mashya ariyo INSPIRED GENERATION na KEPLER.
APR BBC ifite igikombe cya shampiyona giheruka cya 2023, izatangira ihura na Kepler BBC (nayo ifite igikombe cya shampiyona y’icyiciro cya kabiri 2023. Amakipe yazamutse mu cyiciro cya mbere umwaka ushize wa 2023, ari yo Orion BBC na K Titans azahura ku munsi wa 3 wa shampiyona, uzakinwa tariki 24 Gashyantare 2024. APR BBC izahura na REG BBC ku munsi wa 21 wa shampiyona, tariki 29 Werurwe 2024.
Amakipe yazamutse muri shampiyona y’icyiciro cya mbere uyu mwaka wa 2024, ari yo Inspired Generation na Kepler, azahura ku munsi 8 wa shampiyona uzakinwa tariki, 24 Gashyantare 2024.Patriots BBC (izaba idafite uwari kapiteni wayo, Mugabe Aristide, wari uyimazemo imyaka 7), izakira REG BBC ku munsi wa 15 wa shampiyona uzakinwa tariki 15 Werurwe 2024.APR BBC izasoza imikino ibanza ya shampiyona ihura na Patriots BBC ku munsi wa 18, tariki 22 Werurwe 2024.
Biteganyijwe ko imikino myinshi izabera ku bibuga bya LDK na Kepler. Imwe mu mikino itegerejwe cyane muri uyu mwaka ni APR BBC vs REG BBC, APR BBC vs Patriots BBC ndetse na REG BBC vs Patriots BBC dore ko ari amakipe aba anahatanira gutwara igikombe.