Guinea: Alpha Condé yatsindiye manda ya gatatu, atsinze Diallo bari bahanganye mu matora

11,386

Muri Guinea, Akanama gashinzwe  gutegura amatora kavuze ko perezida Alpha Condé w’imyaka 82  yatsinze amatora, aho  yabonye amajwi angana na 59.5%, mu gihe uwo bari bahangaye  Cellou Dalein Diallo w’imyaka 68 yabonye amajwi angana na 33.5%.

Cellou Dalein Diallo, ahakana ibyavuye muri aya matora, akavuga ko yabayemo ubujura bwinshi.

Avuga ko bazaregera urukiko rurinda itegekonsinga kuri ibi bibazo, ariko akongeraho ko nta byinshi barwizeyeho nkuko yabibwiye AFP.

Iyi ntsinzi ya Alpha Condé igomba kwemezwa n’urukiko rushinwe kurinda itegekonshinga. Ibinyamakuru byo muri Guinea bivuga ko abantu bagera kuri 30 bapfuye kuva ayo matora abaye kuwa 18 Ukwakira

Kuwa gatanu mu murwa mukuru Conakry humvikanye amasasu, amakuru akavuga ko abasirikare bari bitabajwe ngo bafashe polisi mu kurinda umutekano, ndetse ko abapolisi batatu baguye muri iyo mirwano.

Leave A Reply

Your email address will not be published.