Kuri uyu wa Gatanu tariki ya 17 Werurwe 2023,nibwo habaye tombola y’imikino ya 1/4 na 1/2 ya UEFA Champions League aho ikipe ya Real Madrid izahura na Chelsea nkuko byagenze mu mwaka ushize mu gihe Manchester City izahura na Bayern Munich.
Nyuma y’imikino ya 1/16 yarangiye amakipe nka PSG asezerewe,ikipe ya Real Madrid ihabwa amahirwe menshi niyo yatomboye bwa mbere ifata Chelsea FC yo mu Bwongereza.
Iyi kipe yo muri Espagne niyo yatwaye igikombe gishize ndetse ni nayo ihabwa amahirwe menshi yo kwegukana n’icy’uyu mwaka.
Chelsea yatsinzwe inshuro imwe gusa mu mikino irindwi yakinnye na Real Madrid mu marushanwa y’i Burayi.
Mu byukuri, ifite ijanisha rito ryo gutsindwa na Real Madrid (14%) mu makipe yose bakinnye inshuro zisaga 5 i Burayi.
Iyi ni inshuro ya mbere Pep Guardiola agiye guhura na Bayern Munich kuva avuye muri iyi kipe.
Imikino ye yonyine yakinnye nabo ari umutoza yaje muri kimwe cya kane kirangiza muri Champions League 2008-09, abasezerera na Barcelona mu nzira yo gutwara igikombe.
Imikino ibanza ya kimwe cya kane izaba kuwa 11 na 12 Mata hanyuma iyo kwishyura ibe 18 na 19 Mata 2023.
Uko amakipe azahura muri 1/4 cy’irangiza:
Imikino ibanza izaba kuwa : 11/12 Mata
Real Madrid vs Chelsea
Benfica vs Inter
Man City vs Bayern
Milan vs Napoli
Iyo kwishyura izaba kuwa 18/19 Mata
Chelsea vs Real Madrid
Inter vs Benfica
Bayern vs Man City
Napoli vs Milan
Imikino ya 1/2 izaba kuwa 9/10 Gicurasi hanyuma iyo kwishyura ibe kuwa 16/17 Gicurasi
1. Milan / Napoli vs Benfica / Inter
2. Real Madrid / Chelsea vs Man City / Bayern
Kuri iki gicamunsi cyo kuri uyu wa Gatanu kandi mu Mujyi wa Nyon mu Busuwisi, habaye tombola y’uko amakipe azahura muri 1/4 cya UEFA Europa League.
Sporting Club Portugal yaraye itunguranye igasezerera Arsenal mu rugo, yatomboye Juventus yo mu Butaliyani, Bayern Leverkusen itombola Union SG yo mu Bubiligi.
Manchester United iri mu zihabwa amahirwe yo kwegukana iki gikombe yatomboye Seville FC yo muri Espagne, Feyenoord Rotterdam yo mu Buholandi itombola AS Roma yo mu Butaliyani itozwa na José Mourinho.
Imikino ibanza izaba tariki 13 Mata 2023 mu gihe iyo kwishyura iri hagati ya tariki 20 Mata 2023.
Hahise hanakorwa uko aya makipe azahura mu mikino ya ½, aho ikipe izakomeza hagati ya Manchester United na Seville izahura n’izava hagati ya Juventus na Sporting.
Indi izava hagati ya Bayern Leverkusen na Union SG izahura n’izakomeza hagati ya Feyenoord na AS Roma.
