Umukino wahuzaga ikipe ya Manchester City na Tottenham muri Shampiyona y’igihugu y’Ubwongereza(Premier League) urangiye Tottenham itsinze Manchester City ibitego 3-2, bituma ikipe ya Liverpool iyisatira ku mwanya wa mbere muri iyi Shampiona.
Tottenham niyo yatangiye itsinda ku munota wa kane, igitego cyatsinzwe na Dejan Kuluzevski, Ilkay Gundogan akishyura ku munota wa 33, igice cya mbere kirangira amakipe yombi anganya igitego 1-1.
Ku monota wa 59 Hary Kane yatsindiye tottenham igitego cya kabiri, Riyad Mahrez akishyura kuri penaliti ku munota wa 92 mu minota y’inyongera.
Icyo gihe Man City yari yizeye ko igiye kunganya umukino igatwara inota rimwe, gusa ikizere cyayoyotse ku munota wa 95 ubwo Hary Kane yatsinda igitego cya gatatu, icya kabiri yari atsinze muri uyu mukino, bituma Man City itakaza amanita atatu.
Nyuma yo gutsindwa uyu mukino, Man City ni iya mbere n’amanota 63 mu mikino 26 imaze gukina, Liverpool ikayikurikira n’amanota 57, gusa yo imaze gukina imikino 25 bivuze ko itsinze umukino w’ikirarane ifite yagira amanita 60 igasigara irushwa amanita 3 n’iya mbere.
Gutsinda uyu mukino byatumye Tottenham iri ku mwanya wa 7 n’amanota 37 mu mikino 23 imaze gukina.
Uko indi mikino yangenze muri Premier League kuri uyu wa 19 Gshyantare 2022
WESTHAM 1-1 NEWCASTLE
ARSENAL 2-1 BRENTFORD
ASTON VILLA 0-1 WATFORD FC
BRIGHTON 0-3 BUENLRY FC
CRYSTAL PALACE 0-1 CHELSEA
LIVERPOOL 3-1 NORWICH CITY
SOUTHERMPTON 2-0 EVRTON
MANCHESTER CITY 2-3 TOTTENHAM
Comments are closed.