Minisiri w’intebe wa Sudani, Abdalla Hamdok, yavuze ko kugumisha igihugu cye ku rutonde rwa Reta zunze ubumwe z’Amerika rw’ibihugu bifasha iterabwoba bibangamiye umugambi we wo kugeza igihugu mu nzira ya demokarasi.
Mu kiganiro cyashyizwe ahagaragara ejo ku cyumweru, Hamdok yavuze ko ibyo bihano byasubije inyuma ubukungu bw’igihugu ndetse ko gukura Sudani kuri urwo rutonde bizahindura byinshi.
Sudani yashizwe kuri urwo rutonde mu 1993, ku buyobozi bwa Omar al-Bashir ashinjwa guha ubuhungiro uwahoze ari umukuru wa Al-Qaeda, Osama bin Laden.
Mu kwezi gushize, Isirayeli yasinye amasezerano yafashijwemwo na Amerika yo kugarura umubano na Leta zunze ubumwe z’Abarabu na Bahrain, mu gihe Leta ya Perezida Donald Trump iteganya gukurikizaho Sudani igakurwa kuri urwo rutonde.
Comments are closed.