Uganda: Umukozi ukomeye w’inyeshyamba za ADF yatawe muri yombi

Uganda yataye muri yombi ukekwaho kwinjiza abantu mu mutwe w’inyeshayamba za  ADF( Allied Democratic Forces), akaba n’umuhuzabikorwa w’uwo mutwe.

Umuvugizi wa Polisi Fred Enanga yavuze ko Abdallah Kabanda Musa, uzwi nka Mogo, yafatiwe hagati muri Uganda, bivugwa ko yari ari gutegura ibitero ku nzego z’umutekano n’abantu bakomeye.

Fred Enanga Yavuze ko mu gikorwa cyo gufata ukekwa, Imbunda ipakiye amasasu, telephone ndendanwa 11, Ububiko bw’amakuru bwa mudasobwa byasanzwe mu rugo rwe.

Inzego z’umutekano za Uganda zikeka ko uyu mugabo yaba ari umwe mu bagabye ibitero kuri sitasiyo ya polisi i Kampala  mu Gushyingo umwaka ushize.

Ibyo bitero byatumye ingabo za Uganda zinjira muri Repubulika ya Demokarasi ya Congo guhangana n’abo barwanyi bashamikiye ku mutwe wa leta ya kisilam( Islamic State).