Icyoba cyinshi cya Coronavirus cyatumye MANCHESTER CITY isubika umukino yari ifitanye na Arsenal.
Ikipe ya MANCHESTER CITY yamaze gutangaza ko yasubitse umukino wa shampiyona yari ifitanye n’ikipe ya Arsenal ku mugoroba wo kuri uyu wa gatandatu. Mu itangazo ryashyizwe ahagaragara n’ubuyobozi bwa Manchester City, bavuze ko impamvu ari ukwirinda ubwandu bushobora kuba bufitwe na bamwe mu bayobozi ba Arsenal.
Impamvu yatumye ikipe ya Manchester City igira ubwoba ni uko yari imaze kumenya amakuru y’uko umwe mu bayobozi b’ikipe ya Arsenal yabonanye n’umyobozi w’ikipe ya Olympiakos witwa EVANGELOS MARINAKIS uherutswe gusangwamo icyorezo cya Coronavirus. Hari amakuru avuga ko bamwe mu bakinnyi ba Arsenal babonanye n’uwo muyobozi wabo bashobora kuba bari mu kato bazavamo kuri uyu wa gatanu.
