Bwana Maresca w’imyaka 46 y’amavuko, yasinye amasezerano y’imyaka itatu muri Manchester City, asimbura Pep Guardiola, weguye muri Gicurasi nyuma y’imyaka 10 ayitoza ayiha amateka adasanzwe muri ruhago mpuzamahanga.
Iyi gahunda yarangiye kubera ibiganiro hagati ya Chelsea na City ku bijyanye n’indishyi, harimo n’amafaranga atatangajwe kuri uyu mukinnyi w’Umutaliyani.
Umuntu umwe yabwiye BBC Sport ko Manchester City iri kwishyura Chelsea hafi miliyoni 17 z’amapawundi.
Amafaranga yo kwishyura atandukanye n’ayo ikipe ya Blues ivuga ko yumvikanye na Maresca kandi BBC Sport ntirahamya amakuru ye. Uyu mutaliyani yavuye muri Chelsea mu kwezi kwa Kabiri , nyuma yo gutsinda imikino irindwi ya Premier League inshuro imwe.
Itangazo rya Chelsea icyo gihe ryagaragazaga ko icyemezo cyari icy’ubufatanye, kandi ko Maresca n’inama y’ubutegetsi bemeranyije ko “impinduka ziha ikipe amahirwe yo gutera imbere”. Ariko, Maresca yemeje ko yeguye i Stamford Bridge kandi yemera ko “byamufunguriye inzira” yo kwinjira muri Man City.
Mu itangazo ryashyizwe ahagaragara, Chelsea, yavuze ko kwegura kwa Maresca ari “icyemezo cyo guhagarika imirimo ye”, yavuze ko bagiranye amasezerano y’ibanga n’uyu Mutaliyani ku bijyanye n’indishyi zigomba kwishyurwa ikipe.
Maresca, wari umaze umwaka umwe ari umufasha wa Guardiola muri Manchester City iri ku mwanya wa gatatu mu mwaka w’imikino wa 2022-23, yasabye imbabazi Chelsea ku buryo yavuye muri iyi kipe.
Maresca yanditse kuri Instagram ati: “Icyemezo cyari icyanjye jyenyine. Ndabizi ko kuva kwanjye muri Chelsea hagati mu mwaka w’imikino byateje ibibazo ikipe kandi ndabisabira imbabazi. Ntabwo byari umugambi wanjye cyangwa icyifuzo cyanjye.”
