Biravugwa ko M23 yamaze gufata agace ka Kitsanga kamaze iminsi kaberamo imirwano

6,568

Hari hashize iminsi itatu Kitshanga imbunda zivugira mu nkengero zayo, ubu amakuru aremeza ko ku mugoroba wo kuri uyu wa Kane ingabo za Leta zahavuye zikagwiza n’amaguru ngo ntizarwanira ahari abasivile”.

Abanyamakuru bakorera mu Burasirazuba bwa Congo bavuga uko imirwano ihagaze, baremeza ko Kitshanga yaguye mu maboko y’inyeshyamba.

Amashusho agaragaza abaturage ba Kitshanga bakiza amagara yabo, biruka bavuga ngo “adui alisha fika” (umwanzi yahageze).

Daniel Michombero wavuganye n’abo ku ruhande rw’ingabo za Leta, FARDC bamubwiye ko ngo bavuye muri Kitshanga kuko hariyo abaturage benshi.

Ati:“Nyuma y’amasaha menshi y’imirwano, agace ka Kitshanga kageze mu maboko y’inyeshyamba za M23.”

Yasubiyemo ibyo umwe mu basirikare yavuze ati “Ntabwo dushobora kurwanira ahantu hatuwe cyane, twahavuye ngo turengere ubuzima bw’abasivile.”

FARDC yari yatangaje video bagaragaza ko bakigenzura Kitshanga mu masaha ya mu gitondo, gusa andi makuru yavugaga ko inyeshyamba za M23 zirimo zirwanira mu nkengeroz’ako gace.

Undi munyamakuru, Kabumba Justin ukorera TV5 Monde na we ku makuru yahawe n’abari muri kariya gace bamubwiye ko M23 yagafashe.

Imirwano yatangiye mu masaha y’ikigoroba 15h30, nibwo amasasu y’imbunda nini n’intoya yumvikanye mu gace gatuwe ka Kitchanga.

Leave A Reply

Your email address will not be published.