Manchester United iyoboye urutonde rw’amakipe yahenzwe cyane ku isoko ry’abakinnyi mu myaka 10 ishize

2,244

Mu bushakashatsi bwimbitse bwakozwe n’ukinyamakuru The sun, bwerekanye ko ikipe ya Manchester united ariyo kipe yahenzwe ku isoko ry’abakinnyi mu gihe cy’imyaka 10 ishize aho yahombye arenga miliyoni 210 z’ama euro.

Kugira ngo the sun ikore ubwo bushakashatsi yagereranyaga amafaranga ikipe yaguze umukinnyi n’igiciro asanzwe afite ku isoko bizwi nka “Market value”. Muri urwo rutonde mu makipe 5 mu 10 yahenzwe ni ayo mu Bwongereza , 2 yo mu Bufaransa naho mu bihugu by’ Ubudage  Ubutaliyani na Espanye habonekamo ikipe imwe imwe .

Dore urutonde rurambuye:

1. Manchester united yishyuye miliyali 1 na miliyoni 400 z’ama Euro , mu gihe bijyanye n’igiciro cy’isoko yari kwishyura miliyali 1 na miliyoni 100 na 90 bisobanuye ko hahombye miliyoni 210 z’ama Euro ,ayo mafaranga yayatanze ku bakinnyi 33.

2. Juventus mu gihe cy’imyaka 10 yahombye miliyoni 208 z’ama euro kuko mu gihe cy’imyaka 10 yatanze miliyoni 903 z’ama Euro ku bakinnyi 36 aho gutanga miliyoni 695 bijyanye n’igiciro cy’isoko ry’abakinnyi

3. Paris Saint Germain yo yahombye miliyoni 142 , aho mu gihe cy’imyaka 10 yasinyishije abakinnyi 31 maze ibatangaho miliyoni 866 mu gihe mu gaciro ka nyako bari bakwiye miliyoni 744

4. Aston villa yahombye miliyoni 130 z’ama Euro ku bakinnyi 44 aho mu gihe bari bakwiye miliyoni 376 z’ama Euro yo yishyuye miliyoni 506 z’ama Euro

5. Real madrid yo yahombye miliyoni 129 z’ama Euro  ku bakinnyi 19 aho yabatanzeho miliyoni 730 z’ama Euro  mu gihe yari kwishyura miliyali 601 z’ama Euro.

6. Chelsea mu gihe cy’imyaka 10 ishize ku bakinnyi 36 yaguze yahobye miliyoni 120 z’ama Euro aho yishyuye miliyali 1 na miliyoni 160 mu gihe hashingiwe ku giciro cy’isoko bari gutanga miliyali 1 na miliyoni 40.

7. Arsenal yo yahombye miliyoni 114 z’ama Euro ku bakinnyi 33 baguze aho bashyuye miliyoni 860 z’ama euro mu gihe bari kwishyura miliyoni 746 z’ama Euro.

8. Rennes yo yahombye miliyoni 100 z’ama Euro kuko ushingiye ku giciro cy’abakinnyi ku isoko bari kwishyura miliyoni 223 z’ama Euro gusa yo yishyuye miliyoni  323 z’ama Euro aya mafaranga yayahombye ku bakinnyi 33

9. Everton mu gihe cy’imyaka 10 yahombye miliyoni 85 ku bakinnyi 29 aho batanze miliyoni 655 z’ama Euro mu gihe igiciro bari bakwiye yari miliyoni 570 z’ama Euro.

10. Borussia Dortmund ku bakinnyi 28 yahombye miliyoni 67 z’ama Euro kuko babatanzeho miliyoni 482 z’ama Euro mu gihe bari bakwiye  miliyoni 415 z’ama Euro.

Inkuru ya Eric Kamanzi

Email yanyu ntaho izigera igiragazwa