Guverinoma ya Repubulika iharanira demokarasi ya Congo (DRC) yirukanye umunyamakuru Sonia Rolley ukorera ibiro ntaramakuru Reuters, inyuma y’aho yimiwe uruhushya rwo gukorera muri icyo gihugu.
Reuters yavuze ko mu kwa cyenda, Sonia Rolley aribwo yandits asaba ko yakwemererwa gukorera muri icyo gihugu kugira ngo ahagararire ibikorwa bya Reuters byo kwegeranya amakuru muri Congo.
Ivuga kandi ko yanahawe uruhushya rwo gukurikirana amakuru ku nama yerekeye ibidukikije i Kinshasa mu kw’icumi mu gihe yari agitegereje igisubizo.
Ku wa kabiri, niho yahabwa urwandiko rumuhamagaza ku biro bya polisi bishinzwe abinjira n’abasohoka mu murwa mukuru Kinshasa, akavuga ko bahise bamwaka igitabo cye cy’inzira, bamwuriza indege ijya i Paris anyuze Addis Abeba.
Sonia arashimira abamworeje muri ubwo butumwa bw’akazi bakomeje kumwihanganisha, Sonia Rolley avuga ati: “Ni bwo bwa mbere nirukanywe [mu gihugu] mu myaka 20 maze muri uno mwuga. Ndacyatangajwe no kuba uyu munsi bimbayeho muri Congo inyuma y’iyi myaka yose maze nkora amakuru…”.
Rolley avuga ko ata mpamvu yabwiwe yatumye hafatwa iyi ngingo.
Hagati aho, Leta yo ivuga ko “dosiye yiwe yamutumye yisanga ari kubiri n’amategeko agenga abanyamahanga, rero yari abaye muri Congo mu buryo butemewe n’amategeko”.
