Ubuhinde: Abantu 38 bakatiwe urwo gupfa kubw’uruhare rwabo mu iturika ry’ibisasu muri Ahmedabad

Urukiko rwo mu Buhinde rwakatiye urwo gupfa abantu 38 bazira uruhare bagize mu iturika ryabaye muri leta ya Gujarat iri mu burengerazuba bw’igihugu,  mu 2008.

Abantu 57 barapfuye abandi amagana barakomereka muri ibyo bisasu byaturikiye muri ,Ahmedabad, umurwa w’ubucuruzi wa Gujarat.

Urukoko rwo muri Ahmedabad rwanakatiye abandi 11 igifungo cy’ubuzima bwose muri gereza.

Abaregwa bashobora kujuririra ibihano bahawe mu rukiko rw’ikirenga.

Kuwa 26 Nyakanga 2008, muri Ahmedaba,  ibisasu bigera kuri 20 byaturikiye ahantu hatuwe hatandukanye mu gihe cy’isaha imwe, mu masoko, muri za gale, no mu bitaro. Hatahuwe kandi ibindi bisasu byari bitaraturika.

Icyo gihe umutwe w’abarwanyi b’Abayisilamu  uzwi nka Indian Mujahideen wigambye icyo gitero mu butumwa bwa imeri(email) bwohererejwe bimwe mu bitangazamakuru.