Umudepite wo mu gihugu cya Zambiya atewe impungenge n’udukingirizo twapfumutse Leta yanyanyagije mu baturage mu mezi make ashize bakaba bari kudukoresha.
Umudepite wo mu gihugu cya Zambiya witwa Mwansa Mbulakulima yabwiye ikinyamakuru BBC dukesha iyi nkuru ko hari udukingirizo dupfumutse Leta yahaye abaturage, ikintu abona ko ari kibi ndetse akakigereranya n’igikorwa cy’ubwicanyi ndetse kubwe ni jenoside Leta iri gukorera abaturage, Bwana Mwansa ati: “Ibyo minisiteri y’ubuzima iri gukora ni jenoside.
Yakomeje avuga ko utwo dukingirizo Iyo ushyize amazi muri utwo udukingirizo ahita ahinguka kuberaa ko dupfumutse.
Yavuze ko nubwo nta mibare iratangwa na Leta ariko arahamya neza ko hari abamaze gupfa bazira uburangare bwa Leta.
Uyu mudepite yavugaga impungenge atewe n’ikwirakwira ry’indwara zandurira mu mibonano mpuzabitsina, hamwe na coronavirus.
Mbulakulima na bagenzi be mu nteko kuwa gatatu babwiwe uburyo kompanyi yitwa Honey Bee yo mu gihugu, yabonye isoko rya miliyoni $17 ryo kuzana udukingirizo n’uturindantoki.
Ibyo bazanye bakabitanga nyuma basanze bitujuje ubuziranenge.
Mbulakulima ati: “Utwo turindantoki dukoreshwa n’abantu bari imbere ku rugamba rwo kurwanya Covid kandi twatanzwe mu gihugu hose kandi dufite ikibazo.”
Ukuriye iyi kompanyi witwa Imran Lunat yashinje umugenzuzi w’imari ya leta kubogama muri raporo ye ivuga ko iyo kompanyi itanafite ahantu ikorera, nk’uko ikinyamakuru cya leta Daily Mail kibivuga.
Igenzura kandi ngo ryasanze iyo kompanyi yarahawe amasezerano ari ku cyumweru, umunsi utari uw’akazi wemewe mu gihugu.
Kakulubelwa Mulalelo, ushinzwe ibikorwa muri minisiteri y’ubuzima yabwiye komite y’Abadepite ko atazi umuntu watanze ayo masezerano, ko yagiye gusa gutanziza itangwa ry’ibyo bikoresho.
Madamu Mulalelo yavuze ko minisiteri “yicuza” ibyabaye, mu gihe abategetsi mu kigo gishinzwe imiti n’ikigo gishinzwe ubugenzuzi bw’ibikoresho bemera ko habaye amakosa mu gutanga isoko.
Comments are closed.