Muhanga: Umuyobozi w’Uburezi yatawe muri yombi

Umuyobozi w’Uburezi mu Karere ka Muhanga, Habyarimana Daniel ari mu maboko ya RIB, birakekwa ari ibanga ry’akazi yamennye.

Amakuru UMUSEKE dukesha iyi nkuru  avuga ko Habyarimana Daniel Ukuriye Ishami ry’Uburezi mu Karere ka Muhanga yatawe muri yombi ku gicamunsi cyo ku wa Gatanu taliki ya 18/09/2026.

Umuyobozi wungirije Ushinzwe Imibereho myiza y’abaturage mu Karere ka Muhanga, Mugabo Gilbert yemereye itangazamakuru ko iyo nkuru y’ifungwa ry’umukozi wabo ari ukuri.

Ati: “Twamenye amakuru ko yatumijwe n’Ubugenzacyaha kuwa Gatanu ari mu kazi ubu arafunze.”

Mugabo avuga ko batazi icyo akurikiranyweho ko ubusanzwe nta kindi kibazo cy’akazi yagiraga.

Gusa amakuru  birakekwa ko dosiye Habyarimana Daniel akurikiranyweho ifitanye isano n’ikibazo cyo gukopeza abanyeshuri bo mu bigo by’i Nyarusange kuko hari n’abandi Bayobozi bafunzwe bakaba ngo barimo kubibazwa.

More Read

Gatsibo: Kutagira amashanyarazi bikomeje gutsikamira ireme ry’uburezi mu mashuri atawufite

Gakenke: Umwarimu yahejejwe mu gihirahiro n’Akarere yimwa imishara ye n’akazi nyuma yo kuba umwere kubyo ya cyekwagaho

Uwamariya Léontine wahize abandi mu bizamini bya Leta yagiye kwiga muri Jordanie

Bashobora gufungwa hejuru y’imyaka 7: Ibyaha abakekwaho gukopeza ibizamini bya Leta baregwa n’ibihano biteganyijwe

Ayo makuru akavuga ko hari abo RIB yafashe abandi baracika bakaba bagishakishwa.

Turakomeza gukurikirana iki kibazo ry’uyu Muyobozi ndetse na bagenzi be kugeza ubwo Umuvugizi wa RIB azatanga amakuru yuzuye

src:umuseke

More Read

“Ntabwo Ari Impinja”: Minisitiri w’Uburezi Yemeje ko Abanyeshuri 1.097 Bakopeye Ibizamini bya Leta Batazongera Guhabwa Amahirwe

Abanyeshuri 94,33% batsinze ibizamini bya Leta bisoza amashuri yisumbuye, imitsindire yiyongereyeho 5,23% ugereranyije n’umwaka ushize

Dosiye z’abakekwaho gukopeza abanyeshuri mu bizamini bya Leta by’umwaka wa 2025-2026 zagejejwe mu Bushinjacyaha

U Rwanda na Oman basinye amasezerano yo guca burundu gusoresha kabiri