Perezida Donald Trump wa Leta Zunze Ubumwe za Amerika yavuze ko igihugu cya Iran ari umwanda ndetse ko nta masezerano igihugu cye gikwiye gukorana n’umwanda nka Iran, ako kanya ahita akuraho amasezerano y’agahenge yari agamije guhagarika imirwano igihugu cye cyari cyagiranye na Iran.
Ibi Perezida donald Trump yabivuze kuri uyu wa gatatu taliki ya 8 Nyakanga 2026 mu nama y’abakuru b’ibihugu bibumbiye muri OTAN iri kubera muri Turkiya, ibi bikaba bije nyuma y’aho bino bihugu byongeye gukozanyaho kuri uyu wa kabiri taliki ya 7 Nyakanga 2026, aho buri ruhande rushinja kutubahiriza ibikubiye mu masezerano byagiranye.
Uyu mugabo yagize ati:”Sinshobora kugirana imishyikirano n’abantu b’umwanda barwaye, bakaba bayoborwa n’abarwayi, ntibishoboka, ni abarwayi, ni abanyamahane badakunda amahoro, ibyabo ni urugomo, baramutse bafite intwaro kirimbuzi bazikoresha, nta mutima bagira, kugirana ibiganiro nabo ni nko guta umwanya gusa“
Umunyamabanga Mukuru wa NATO, Mark Rutte yavuze ko ibitero bya Amerika byari bikenewe cyane, ashinja Iran kwica amasezerano y’agahenge.
Ku rundi ruhande ariko Perezida w’Inteko Ishinga Amategeko ya Iran, Mohammad Baqer Qalibaf yavuze ko Amerika ari yo yishe ayo masezerano y’agahenge yongera kugaba ibitero bishya.
More Read
Mu ijoro ryo ku wa Kabiri tariki ya 07 Nyakanga 2026, ubuyobozi bw’ingabo za Amerika muri ako karere, (CENTCOM) bwatangaje ko bwagabye ibitero ku ntego zirenga 80 za Iran, zirimo n’ubwato buto burenga 60 bw’Ingabo zidasanzwe za Iran (Islamic Revolutionary Guard Corps – IRGC), buvuga ko ari Iran yari yabanje kurasa ku bwato bwari bunyuze mu muhora wa Hormuz, mu gihe Iran yo ihakana.
Mu gusubiza ibyo bitero, Iran yatangaje ko na yo yagabye ibitero ku birindiro by’ingabo za Amerika biri muri Bahrain na Kuwait.
