Maj. Pierre BUYOYA wahoze ari Perezida w’u Burundi mu (1987 – 1993), na (1996 – 2003), Urukiko rwo mu gihugu ke rwamukatiye igifungo cya Burundu nyuma yo kumuhamya ibyaha birimo kwica Perezida Melchior Ndadaye.
Pierre Buyoya usanzwe ahagarariye Umuryango wa Afrika yunze Ubumwe mu karere ka Sahel, yahamijwe ibyaha bine bishingiye ku iyicwa rya Perezida Melchior Ndadaye wari watowe n’abaturage.
Ntabwo yigeze aburana muri urwo rubanza, naho abandi bantu batatu, barimo Bernard Busokoza wigeze kuba Visi Perezida w’u Burundi, bakatiwe imyaka 20, undi umwe agirwa umwere.
Melchior Ndadaye yari yatowe n’abaturage mu 1993, asimbuye Buyoya wari wayoboye u Burundi kuva mu 1987-1993. Nyuma y’imyaka itatu gusa Pierre Buyoya yongeye kuyobora Abarundi kuva 1996-2003.
