Leta Zunze ubumwe za Amerika zashyize hanze amazina y’abasirikare batatu baherutse kwicirwa muri Jordani mu gitero cya drone
Leta ya Amerika yasohoye amazina ya ba basirikare bayo baherutse kwicirwa mu gitero cy’indege itagira abadereva (Drones) muri Jordanie kuri iki cyumweru gishize taliki ya 28 Mutarama 2024.
Sergeant William Jerome Rivers w’imyaka 46, Specialist Kennedy Ladon Sanders w’imyaka 24 hamwe na Specialist Breonna Alexsondria Moffett w’imyaka 23 bishwe igihe drone itera inzu babamo.
Amerika yavuze ko kino gitero cyagabwe n’imwe m mitwe ifashwa na Leta ya Irani, minisiteri y’ingabo za Leta Zunze ubumwe za Amerika irasanisha kino gitero n’ibitero bya Hezbollah.
Pentagon kandi ishimangira ko Amerika itifuza intambara na Irani.
Sabrina Singh, umuvugizi wa Pentagon, avuga ati: “Ntiturondera intambara, ariko tuzofata ingingo, kandi twishure ku bitero bikorwa ku ngabo zacu”.
CBS News, ikinyamakuru gikorana na BBC muri Amerika, ivuga ko yabwiwe n’umutegetsi wa Amerika ko iyi drone yakoreshejwe muri iki gitero isa n’iyakorewe muri Irani.
Uno mutegetsi avuga ko yari “drone yo mu bwoko bwa Shahed”, ubwoko bwa drone Irani isanzwe iha Uburusiya.
Irani irahakana ibyo ishinjwa na Amerika n’Ubwongereza ko ariyo iri gufata mu mugongo ino mitwe yitwaje ibirwanisho ikibasira igisirikare cya USA.
Pentagon ivuga ko aba basirikare batatu bishwe mu gitondo cyo ku cyumweru bari bavuye mu kigo cy’ingabo kiri i Fort Moore, mu ntara ya Georgia.
Iki gitero cya drone cyabereye ahitwa Rukban, hafi y’umupaka wa Syria.
